Air New Zealand është zyrtarisht linja ajrore e vitit, sipas agjencisë me bazë në Australi për sigurinë e aviacionit dhe vlerësimin e produkteve, AirlineRatings.com.
Linja ajrore është e famshme për shtrirjen plotësisht të ndenjëseve në klasin ekonomik, të cilat do të vendosen nëpër avionë në vitin 2024.
Ky është një nga faktorët kryesorë, që përcaktojnë renditjen në vend të parë.
“Është fokusi në mirëqenien dhe rehatinë e udhëtarëve, që u bëri përshtypje komisionit vlerësues.”, tha Geoffrey Thomas, kryeredaktori i AirlineRatings.com.
AirlineRatings.com vlerësoi gjithashtu sigurinë operacionale të Air New Zealand, vëmendjen ndaj mjedisit dhe motivimin e stafit.
Renditja e linjave ajrore
Pas disa vitesh rënie të udhëtimit ajror për shkak të pandemisë, udhëtarët u kthyen në ajër në vitin 2022, duke përjetuar një kaos të konsiderueshëm të linjave ajrore – fluturime të anuluara, bagazhe të humbura dhe personel i mbingarkuar.
Rezultati, tha Thomas, ishte një vit “interesant” në përgjithësi, pasi “shumica e linjave ajrore pësuan rënie në vlerësimet e pasagjerëve”.
Juria është ende e paqartë nëse këtë vit, do të ketë një peizazh më të qëndrueshëm të udhëtimit ajror.
Qatar Airways, e cila kryesoi renditjen e vitit të kaluar të AirlineRatings.com, doli në vendin e dytë këtë vit, duke fituar gjithashtu çmimet e Best Business Class, Best Catering dhe Excellence in Long Haul Travel për Lindjen e Mesme.
Etihad Airways i Abu Dhabit, është numri 3 në listën e AirlineRatings.com për vitin 2023.
Korean Air, i cili gjithashtu fitoi çmimin Excellence in Long Haul Travel për Azinë e Veriut, ishte në vendin e katërt.
Singapore Airlines, fitoi çmimin Best First Class dhe Excellence in Long Haul Travel për Azinë Juglindore, por zuri vendin e pestë në renditjen e përgjithshme.
AirlineRatings.com shqyrton sigurinë dhe auditimet e qeverisë, si dhe shikon moshën e flotës së linjave ajrore, vlerësimet e pasagjerëve, përfitimet, vlerësimin e investimeve, ofertat e produkteve dhe marrëdhëniet me stafin.
Që nga shpallja e renditjes së parë në 2014, Thomas tha se pikët dhe kategoritë janë shndërruar “për të pasqyruar dinamikën gjithnjë në ndryshim të industrisë dhe kujdesin ndaj klientit”.
Air New Zealand po përmendet edhe për arsye të tjera. Deri më 2 korrik 2023, Autoriteti i Aviacionit Civil të Zelandës së Re, po kërkon që linja ajrore të peshojë pasagjerët, që nisen në fluturimet ndërkombëtare nga Aeroporti Ndërkombëtar i Auckland.
25 linjat ajrore më të mira të AirlineRatings.com për vitin 2022
1. Air New Zealand
2. Qatar Airways
3. Etihad Airways
4. Korean Air
5. Singapore Airlines
6. Qantas
7. Virgin Australia/Virgin Atlantic
8. EVA Air
9. Cathay Pacific Airways
10. Emirates
11. Lufthansa / Swiss
12. SAS
13. TAP Portugal
14. All Nippon Airways
15. Delta Air Lines
16. Air Canada
17. British Airways
18. Jet Blue
19. JAL
20. Vietnam Airlines
21. Turkish Airlines
22. Hawaiian
23. KLM
24. Alaska Airlines
25. United Airlines.
