Manastirliu: Praktika dyfishe për mjekët e spitaleve që marrin Kartën e Autonomisë

113 563 lexime

124,178FansaPëlqeje

Miratohet në Këshillin e Ministrave vendimi që lejon praktikat dyfishe të mjekëve specialistë, në kuadër të autonomisë spitalore. Në një komunikim për mediat pas mbledhjes së qeverisë, Ministrja e Shëndetësisë dhe Mbrojtjes Sociale, Ogerta Manastirliu tha:

“Akti që ka kaluar sot, është vendimi për mundësimin e ofrimit jashtë regjimit të punës të përcaktuar nga punëdhënësi, të shërbimeve të konsultave ambulatore për pacientët jashtë sistemit të referimit. Ky është një akt, i cili i hap rrugën praktikave dyfishe për mjekët specialistë.

Të gjitha spitalet, të cilat do ecin përpara me modelin e ri të autonomisë spitalore dhe do të kenë përfituar kartën e autonomisë menaxheriale, do të kenë mundësi që të ushtrojnë instrumente të tillë, sikurse është instrumenti praktikës dyfishe, që i lejon mjekët të kryejnë konsulta ambulatore, jashtë regjimit të punës, jashtë sistemit të referimit, për pacientë, të cilët, nëpërmjet instrumentit të krijuar, mundet të konsultohen me mjekun që duan, jashtë kohës së punës që mjeku ka me spitalin, duke u përcaktuar kështu edhe tarifa nga bordi i spitalit”, deklaroi Manastirliu.

Duke theksuar se ky instrument  do të jepet vetëm për ato spitale që do kenë përfituar kartën e autonomisë menaxheriale, Ministrja Manastirliu tha se mbështetja financiare do të jetë deri në 30% të pagës bruto.

“Mundësia që ne i japim mjekëve, që të kryejnë konsulta ambulatore jashtë regjimit të punës, i jep mundësinë atyre edhe për të patur një mbështetje financiare shtesë, e cila nuk e tejkalon masën e 30% të pagës bruto.

Këto janë instrumente që i kemi vlerësuar të jenë pjesë e të gjithë instumentave që mbështesin autonominë spitalore, bazuar ne praktikat më të mira ndërkombëtare.

Lexo edhe :  BioNtech nis testet klinike te njerëzit për vaksinën kundër kancerit të mushkërive

Këto janë hapa, të cilat do të thellojnë më shumë reformën në sistemin spitalor, por mbi të gjitha, do të garantojnë një mbështetje më të madhe për mjekët, por edhe një akses të rritur të pacientëve jashtë sistemit të referimit, për të zgjedhur mjekun që duan, shërbimin që duan, në kohën që e duan”, tha Manastirliu.

Të fundit

Parashikimi i motit, 11 Qershor 2025

Përgjatë orëve të paradite, territori shqiptar do të mbizotërohet nga moti i kthjellët dhe relativisht i nxehtë, ku më...

Vala ekstreme e të nxehtit godet Indinë: Termometri shënon 47.3 gradë Celcius

Një valë ekstreme të nxehti ka përfshirë veriperëndimin e Indisë, duke shkaktuar shqetësime serioze për shëndetin publik dhe funksionimin normal të jetës së përditshme....

Shefja e Inteligjencës Amerikane: Jemi afër një “holokausti bërthamor”

Drejtoresha e Inteligjencës Kombëtare, Tulsi Gabbard, paralajmëroi për një “holokaust bërthamor” dhe kritikoi “nxitësit e luftës” që po e afrojnë botën “më pranë pragut...

11 qershor 1903, si u vra mbreti Aleksander Obrenovic i Serbisë

Mbreti Aleksandër Obrenoviç i Serbisë u vra natën e 10–11 qershorit 1903 (sipas kalendarit të vjetër: 28–29 maj), në një grusht shteti të dhunshëm...

“Vdekjet po tejkalojnë lindjet”, ekspertja E Gjebrea: Është fenomen kombëtar

Ekspertja e shëndetit, ish-deputetja Elona Gjebrea, e ftuar në emisionin “Log.” në News24, u shpreh se vitet e fundit, numri i vdekjeve në vendin...

Lajme të tjera

Web TV