Analistët Erl Murati dhe Roland Qafoku, të ftuar në Breaking, kanë diskutuarnë lidhje me situatën politike në vend, duke u ndalur në mënyrë të detajuar te shkarkimi i Bledi Çuçit.
Murati u pyet nëse shakrimi i Bledi Çuçit ditën e shtunë lidhet pikërisht me largimin e Ahmetajt ditën e premte.
“Unë i quaj si çështje realisht të ndara përsa i përket shkarkimit të Çuçit. Unë e shoh të lidhur me rastin Rrahja, kurse përsa i përket faktit që Ahmetaj nuk është në Shqipëri , duhet të kujtoj që është e drejta e tij që përsa kohë prezumohet i pafajshëm dhe nuk gjendet i arrestuar, ai në fund të fundit nëse Kuvendi Shqipërisë do njoftojë arrestimin e tij, ai ka të drejtë të kalojë dhe një fundjavë me familjen aty ku ka mundësi dhe ku të dojë ai. Kështu që në këtë kuptim, nuk besoj se ministri i Brendshëm është shkarkuar për rastin e Arbën Ahmetajt. Sigurisht që rasti Rrahja dhe rasti Ahmetaj janë dy incidente që përfshijnë sa drejtësinë po aq dhe politikën”, tha ai.
Nga ana tjetër, Roland Qafoku tha: Nuk besoj se ka një lidhje. Në Shqipëri mjafton të thuash që një çështje 3 dit zgjat dhe pas 3 ditësh ndodh një çështje tjetër akoma më e rëndë se e para dhe je akoma brenda.
Është vetë natyra e politikës shqiptare që prodhon jo thjesht lajme por ka skandale, ka të reja, të rënda. Pra unë nuk mendoj që ka ndonjë lidhje.
