Seanca plenare ka rifilluar sërish me debate. Pavarësisht se kryeparlamentarja Lindita Nikolla shkëputi për 5 minuta diskutimet, opozita nuk ka lejuar që seanca të rifillojë e qetë.
Ata kanë vijuar të këmbëngulin dhe të mos lënë që të marrë fjalën kreu i KQZ-së, Ilirjan Celibashi. Marrë shkas nga kjo, Celibashi u largua nga ambientet e Kuvendit.
“Seanca nuk vijon nëse nuk dëgjoni opozitën”, tha Gazment Bardhi në Kuvend, duke kërkuar për të disatën herë që të ndryshohet rendi i ditës.
Nikolla këmbënguli që seanca për Ahmetajn të zhvillohet ditën e hërë dhe iu përgjigj me tone të prera Bardhit.
“Ditën e hënë do të bëhet seanca, duke zbatuar të gjitha kriteret që parashikon rregullorja.
Nuk e votojmë kërkesën sepse nuk është e bazuar në ligj, kaq e thjeshtë është”, tha Nikolla.
