Gazetari Denis Dyrnjaja, e ka konsideruar të jashtëzakonshëm, fjalimin e Ministrit të Brendshëm Taulant Balla.
I ftuar në emisionin “Now” në Euronews Albania, ai theksoi se Balla tha të vërtetat duke shtuar se ai pohoi se policia ka falimentuar.
Më tej ai nënvizoi se Balla gaboi në momentin që deputetin Rrahman Rraja e cilësoi mik.
“Ishte fjalim i jashtzakonshëm. Sot Balla pranoi që ka pranuar që policia ka falimentuar. Tha se policia nuk ka arrestuar djalin e Rrajës .
Tani ose je Ministër i Brendshëm dhe s’ke miq ose je Ministër dhe i ke shokë e miq të gjithë.
Në këtë pikë gaboi. Balla tha të vërtetat, tregoi sinqeritetin me të cilën po përpiqej të merrte detyrën dhe angazhimin dhe ndërkohë na tha që nuk mund rë ketë një rrënjë kanabisi pa një policë të gabuar, s’mund të ketë një parcelë pa një shef komisariati”- tha ai.
