Këngëtari i njohur shkodran Luiz Ejlli, së fundmi është rikthyer me shumë bashkëpunime dhe projekte muzikore, ku në qendër të vëmendjes kanë qenë baladat dhe këngët e dashurisë.
Në mesin e shumë angazhimeve dhe projekteve, jo vetëm muzikore Luiz Ejlli po punon për të sjellë një këngë të re për të gjithë fansat e tij.
“Kiara”, kështu do të jetë titulli i këngës më të re të Luiz Ejllit, këtë e ka zbuluar regjisori Xhulian Shabani nëpërmjet një postimi në Facebook, i cili do të merret me regjinë e videoklipit të Luizit.
“Kthehem me një pikënisje e më të fortë se më parë! Regjia ime, së bashku me ekipin tim te SynopsisAds do bëjm video klipin e Luiz Ejli, për këngën “Kiara”. Kjo është një kënaqësi e madhe për mua, sepse tregon se vlerat e një artisti nuk vdesin kurrë, por ushqehen nga puna e palodhshme dhe angazhimi i ekipit të talentuar!”, ka shkruar regjisori në Facebook.
Me sa duket dedikimet e Luizit për bashkëshorten e tij Kiara nuk paskan fund. Kujtojmë se Luizi ka bërë në të kaluarën disa këngë të tjera dedikuar dashurisë që ka për Kiarën, siç është kënga që realizoi brenda shtëpisë së Bog Brother Vip, “Me ty”.
