Një gjykatë në Spanjë ka hapur një hetim të dytë për mashtrimin e dyshuar tatimor nga Shakira.
Një gjykatës në Barcelonë, Esplugues de Llobregat “ka hapur një hetim bazuar në një ankesë të paraqitur nga prokurorët kundër këngëtares Shakira për dy akuza të dyshuara” të mashtrimit fiskal në vitin 2018, tha në një deklaratë zyra e shtypit e Gjykatës së Lartë të Drejtësisë së Katalonjës.
Shakira tashmë është në pritje të gjykimit për evazion fiskal të dyshuar prej 16.2 milionë dollarësh për vitet 2012, 2013 dhe 2014.
Këngëtarja me origjinë kolumbiane, e cila tani jeton në Miami, më herët mohoi akuzat për mashtrim tatimor në lidhje me periudhën 2012-2014 përmes firmës së saj të marrëdhënieve me publikun.
