Amanda Bynes ka kërkuar ndihmë të mëtejshme për të përmirësuar shëndetin e saj mendor. Aktorja e famshme ka vendosur të hyjë në një institucion spitalor.
Sipas TMZ, Bynes u kontrollua në një institucion të ri të shëndetit mendor në fillim të korrikut, vetëm disa ditë pasi ajo hoqi dorë nga marrja e kujdesit ambulator në një institucion të Los Anxhelosit.
Lëvizja u bë me qëllimin që Amanda të merrte kujdes më të mirë, duke pasur pranë terapist kur ajo ka nevojë, si dhe shoqëri edhe pacientë të tjerë.
Ishte vetë Amanda ajo që e kuptoi se kishte nevojë për ndihmë të mëtejshme dhe vendosi të kërkonte një vend më terapeutik për të jetuar.
Amanda për herë të parë tregoi shenja të problemeve të shëndetit mendor në vitin 2012. Ajo nisi të përfshihej në disa incidente ku po vepronte në mënyrë të pamatur. Bynes ishte nën kujdestarinë e nënës së saj nga viti 2013 deri në 2022.
Në mars të vitit 2022, Amanda u vendos në një spital psikiatrik pas një episodi psikotik. Incidenti i fundit ishte në qershor të këtij viti kur Amanda telefonoi policinë duke kërkuar ndihmë sepse ndjeu se mund të dëmtonte veten.
