Si krimi po investon në apartamente e toka?/ Ja si pastrohen paratë në Tiranë

113 563 lexime

124,178FansaPëlqeje

Ata investojnë në blerje apartamentesh dhe në blerje tokash, e këtu nuk bëhet fjalë për qytetarë të thjeshtë, por për shtetas shqiptarë të shpallur fajtorë në fushën e narkotrafikut, jo vetëm në Shqipëri por edhe në vendet e Bashkimit Europian, të cilët nga hetimet pasurore rezultojnë se synuan blerje në kryeqytet dhe tokat në periferi.

Përherë e më shumë shumë SPAK po vendos në sekuestro pasuri të patundshme, të identifikuara se u blenë nga para krimi. Më të fundit ku kryesojnë apartamente të blera në Tiranë, për të cilat Gjykata e Posaçme vendosi konfiskim i përkisnin shtetasit Vito Biba.

SPAK deklaron se nëntë pasuri të Bibës i kalojnë shtetit, mbas hetimit që provoi se i dyshuari ishte dënuar në Itali me 20 vite burg për trafik narkotikësh. Të gjitha pasuritë e identifikuara janë apartamente, toka dhe njësi shërbimi në kryeqytet.

Javën e kaluar pasuritë me vlerë mbi 20 milionë euro, u kërkuan të bllokohen nga SPAK ndaj katër shtetasve dy të dënuar në Belgjikë dhe një tjetër për drogë në Spanjë. Teksa dy të parët kishin blerë apartamente në bregdet në zonën e Golemit dhe të Orikumit, i treti me identifikuar si Anton Gjini, i hyri biznesit duke investuar në kompani ndërtimi dhe në blerje trojesh.

Të njëjtin fat patën edhe 18 apartamente, dhjetëra garazhe e shoqëritë aksionere dhe liçensat për transport udhëtarësh të Paulin Markut, një ish i dënuar për drogë, i cili u vra në një antenat të dyfishtë në Laç. Hetimet masive të SPAK, kanë zbuluar se trafikantët parapëlqejnë gjithashtu të investojnë në mjete luksoze dhe në kriptovalutë.

SPAK bën me dije për TCH, përmes burimeve jo zyrtare se për vitin e kaluar bazuar në ligjin antimafia u kërkuan të dhëna për 554 persona, të dënuar dhe hetuar në fushën e drogës, grupit kriminal dhe korrupsionit.

Lexo edhe :  AbuzimI me tenderat për naftën, pezullohet nga detyra Prefekti i Kukësit, Granit Gjana

Ndërkohë që nga të gjitha prokuroritë për hetimin pasuror i është kërkuar informacion drejtorisë  së përgjithshme e parandalimit të pastrimit të parave për 3471 shtetas, që të gjithë të dyshuar se pastruan para, mes tyre edhe të ardhurat nga fusha e call center. Por prokuroritë e zakonshme vijojnë te kenë rezultate të papërfillshme në këtë fushë.

Të fundit

Tarifat e Brexit për automjetet elektrike, BE propozon pezullim

Komisioni Evropian dëshiron t’i shtyjë tarifat e Brexit-it për automjetet elektrike dhe bateritë për tre vite. Kjo është arsyeja pse...

Padia për marrëveshjen për emigrantët, Manja: I ka kaluar të gjitha filtrat!

Ministri Ulsi Manja në përfundim të mbledhjes së qeverisë u pyet për marrëveshjen me Italinë për emigrantët. Ai theksoi se për asnjë arsye nuk ka...

Studimi i ‘PISA 2022’ për rezultatet e dobëta të nxënësve, gishti drejtohet nga mësuesit!

Rënien drastike e nivelit të nxënësve në Raportin “Pisa 2022”, ekspertët ia atribuojnë ndër të tjera mungesës së trajnimit të mësuesve dhe nivelit të...

Inteligjenca artificiale vjen me risi edhe në modë, krijohet copa që ndryshon ngjyrë

Mendoni një botë ku mjafton një gjest i thjeshtë me duar dhe mund të ndryshoni ngjyrën e veshjeve në çfarëdo që ju pëlqen. Kjo është...

Demenca, objekti në shtëpi që zbulon çrregullimin dhe i huton pacientët

Rregullimi i dhomave në shtëpi mund të ketë një ndikim serioz te njerëzit me demencë. Në faqen zyrtare të Sistemit Shëndetësor Britanik (NHS), ka një...

Lajme të tjera

Web TV