Robin Krasniqi ka fituar duelin e vlefshëm për titullin WBC Silver në peshën Light Heavyweight, pasi kundërshtari Nadjib Mohammedi u diskualifikua nga juria.
Derisa ishte parashikuar që boksieri shqiptar të ngjitej në ring në orën 18:30 të ditës së shtunë, kjo gjë nuk ndodhi deri në 00:30 të ditës së diel dhe kjo për shkak të kushteve atmosferike.
Por, pas pritjes së më shumë se pesë orëve, Krasniqi ia doli ta mposhte kundërshtarin me prejardhje nga Algjeria, fitore kjo e vlefshme për titull WBC Silver.
Boksieri francez ishte duke prirë me pikë ndaj Krasniqit, por që juria e diskualifikoi për goditje të parregullta.
Ky triumf nuk ishte i thjeshtë, pasi për të ishte një plotësim i një ëndrre të madhe për të boksuar para popullit shqiptar.
Kjo ishte padyshim nata e boksierëve shqiptarë, pasi para Haxhi Krasniqit, fitore morën edhe Dielli Vranoci, Valon Ahmeti, Kushtrim Tahirukaj, Bernardin Jakaj, Isuf Kelmendi, James Kraft dhe Armend Xhoxhaj.
