Janë 1743 aplikantë kanë zgjedhur këtë vit degën e Mjekësisë, ndryshe nga një vit më parë kur aplikantët ishin 3183 kandidatë, ndërkohë që qeveria rriti kuotat e pranimit.
E ndërsa me hyrjen në fuqi të vendimit të qeverisë për punësim të detyruar 5 vjet në Shqipëri, u vendos të rriten kuotat e pranimit me 500, vihet re që ka një rënie të ndjeshme të të rinjve që kanë zgjedhur degën e”Mjekësisë së Përgjishme” si mundësi studimi.
Për herë të parë këtë vit aplikantët në programin e Mjekësisë së Përgjithshme do i nënshtrohen një testimi të informatizuar në QSHA.
Datat e testimi do njoftohet sapo të dakortësohet me QSHA.
Më 3 gusht u mbyllën aplikimet në portalin UAlbania, në të cilin maturantët kanë pasur mundësinë që të zgjedhin 10 degët e preferuara të tyre nga 653 programe të vendosura në dispozicion, me qëllim nisjen e universitetit.
