Shefi i Qendrës Kombëtare të Urgjencës, Skënder Brataj ka konfirmuar se është rritur numri i rasteve të personave të infektuar me Covid 19.
Sipas Bratajt nuk ka vend për shqetësim pasi tanimë koronavirusi është shndërruar një sëmundje virale të zakonshme që mund të konsiderohet e ngjashme me një grip, pavarësisht se ka nisur të qarkullojë një nënvariant i ri i Omicronit EG5.
“Ka infektim më të lartë por nuk ka rritur vdekshmërinë”, tha Brataj
Ekspertët thonë se nuk ka vend për panik ndonëse Omicron është ende i përhapur në Angli, SHBA dhe Kinë.
Megjithëse Covid është shndërruar në një sëmundje të zakonshme virale, mjekët bëjnë apel që të kenë kujdes sidomos grupmoshat me risk.
“Duhet të bëjnë kujdes të moshuarit, ata me sëmundje bashkëshoqëruese”, shtoi ai./ S.M
