Gati 168,000 njerëz janë detyruar të largohen nga shtëpitë e tyre në të gjithë Kanadanë që nga fillimi i sezonit të zjarreve të këtij viti.
Banorët e Yellowknife u urdhëruan të mërkurën të evakuoheshin deri të premten pasi qyteti më i madh në Territoret Veriperëndimore të Kanadasë kërcënohet nga përhapja e zjarreve.
Gati 168,000 njerëz janë detyruar të largohen nga shtëpitë e tyre në Kanada që nga fillimi i sezonit rekord të zjarreve të këtij viti, i cili aktualisht është aktiv në Territoret Veriperëndimore, një zonë dy herë më e madhe se Franca metropolitane, ku ka 230 fronte aktive.
Me lëvizjen e shpejtë të flakëve, Ministria lokale e Mjedisit mbrëmë urdhëroi banorët e Yelloëknife të largoheshin me çdo mjet të mundshëm, me rrugë ose me ajër.
Por përtej situatës alarmante, ajo që bie në sy, është rregulli që banorët kanë edhe në rrugë. Vargu i gjatë i makinave nuk bëhet kurre për dy duke lënë një korsi për cdo situatë emergjente.
No place is “safe” anymore. #ClimateCrisis
Fort Smith, Canada
“Military airlifts hundreds to safety from fires in Northwest Territories” https://t.co/FSqUY7rcNBpic.twitter.com/vGY2TDC2BR— Parents For Future #EndFossilFuels – 15.09.
(@parents4future) August 16, 2023
Nga ana tjetër, forcat e armatosura mbeten në këmbë për të ofruar ndihmë për banorët e Territoreve Veriperëndimore.
Krahas kësaj, provinca fqinje e British Columbia, e cila gjithashtu u testua ashpër këtë vit nga zjarret në pyje, regjistroi temperatura mbi 40 gradë Celsius, për herë të parë këtë vit në Kanada.
Në qytetin Lytton, temperatura arriti në 41.4 gradë të hënën, dy vjet pasi u përfshi nga flakët, në ditët që pasuan “kupolën e nxehtësisë” të paprecedentë, kur merkuri tregoi një rekord prej 49.6 gradë Celsius.
Kanadaja, është prekur vitet e fundit nga ngjarjet ekstreme të motit, intensiteti dhe frekuenca e të cilave po rritet për shkak të ndryshimeve klimatike./E.T
