Për herë të parë në botë, shkencëtarët thonë se një krimb 8 cm është gjetur i gjallë në trurin e një gruaje australiane, raporton BBC.
Gruaja, 64 vjeçe, kishte vuajtur prej muajsh simptoma si dhimbje stomaku, kollë dhe djersitje gjatë natës, të cilat evoluan në harresë dhe depresion.
Ajo u shtrua në spital në fund të janarit 2021 dhe një skanim më vonë zbuloi “një lezion atipik brenda lobit frontal të djathtë të trurit”.
Por shkaku i gjendjes së saj u zbulua vetëm nga mjeku Bandit gjatë një biopsie në qershor 2022.
Paraziti i kuq mund të kishte qenë i gjallë në trurin e saj për dy muaj, thanë mjekët.
Gruaja, e cila jetonte pranë një zone liqeni në shtetin juglindor të Uellsit të Ri Jugor, po shërohet mirë.
Krimbi i rrumbullakët Ophidascaris robertsi është i zakonshëm te pitonët, gjarpërinjtë jo helmues që gjenden në pjesën më të madhe të Australisë./ S.M
