Një 29-vjeçar shqiptar ka ndërruar jetë si pasojë e një aksidenti në Itali. Aldo Gjoka, lindur në Tiranë, por banues në Lecce në Itali, gjeti vdekjen në Torre Specchia, më 7 shtator, teksa u përplas me një makinë pasi po udhëtonte me motor.
I riu u përplas me një makinë ‘Jaguar’ që drejtohej nga një 44-vjeçar gjithashtu me origjinë shqiptare.
Për shkak të goditjes së fuqishme, makina doli nga rruga, ndërsa Aldo Gjoka, u përplas me murin rrethues të një prone private. I riu shqiptar kishte ndërruar jetë në vend.
Motori mori flakë dhe dokumentet e të riut u shkatërruan, duke bërë të vështirë fillimisht identifikimin e tij.
Ndërsa drejtuesi i makinës, u dërgua në spital për kontrolle të mëtejshme dhe për t’iu nënshtruar testeve të alkoolit dhe drogës./e.t
