Udhëtimet, sado të bukura dhe transformuese që mund të jenë, shpesh sjellin një gjurmë të rëndë në mjedis.
Nga emetimet e karbonit të lidhura me fluturimet te zhvillimi i tepërt i habitateve natyrore, pasojat e turizmit të masës shpesh janë shkatërruese.
Megjithatë, një numër në rritje vendesh kanë nisur rrugën drejt një turizmi më të qëndrueshëm, duke pranuar se udhëtimi mund të jetë sa pjesë e zgjidhjes, aq edhe pjesë e problemit.
Euromonitor International, një shoqëri kërkimesh e tregut botëror, publikoi së fundi Indeksin e tij të Udhëtimeve të Qëndrueshme për vitin 2023, i cili tregon 20 Vendet më të Qëndrueshme në Botë për udhëtime.
Sipas Caroline Bremner, përgjegjëse e sektorit të udhëtimeve të Euromonitor International, indeksi merr në analizë 56 tregues për të përcaktuar performancën e udhëtimeve të qëndrueshme në vende të ndryshme.
Nga këta, veçohen tre lloje kryesore të treguesve:
-Treguesit e përgjithshëm të cilët i referohen shëndetit të një destinacioni në lidhje me lumturinë, barazinë dhe drejtësinë sociale
-Treguesit që përcaktojnë sasinë e ndikimeve specifike të turizmit në mjedisin lokal siç është përdorimi i energjisë nga hotelet
-Gjendja e përgjithshme e turizmit si cilësia e infrastrukturave apo varësia nga kërkesa ndërkombëtare
Të gjitha, përveç njërit, janë në Europë (më saktësisht në Amerikën e Jugut).
Destinacionet e udhëtimit më të qëndrueshme në botë
Suedia është destinacioni i udhëtimit më i qëndrueshëm në botë, sipas Sustainable Travel Index 2023 i Euromonitor International.
Kjo mund të mos jetë një surprizë e madhe për shumë njerëz, duke pasur parasysh se Visit Sweden synon ta bëjë veten “destinacionin më të qëndrueshëm dhe tërheqës në botë mbështetur në inovacion” deri në vitin 2030, me investime të mëdha në kohë dhe para në atë mision.
Disa nga programet suedeze për udhëtime të qëndrueshme përfshijnë energjinë e rinovueshme 100% për gjithë transportet publike të Stokholmit (një sukses i arritur në 2017), angazhimin që më shumë se 250 hotele dhe struktura akomodimi të përmbushin kërkesat strikte të Nordic Ecolabel, një program rigoroz certifikimi mjedisor dhe prezantimin e një karte për ekoturizmin, e quajtur Nature’s Best (e cila certifikon operatorët turistikë të cilët përqendrohen tek udhëtimet e qëndrueshme).
Destinacionet më të qëndrueshme në botë në vitin 2023
1. Suedi
2. Finlandë
3. Austri
4. Estoni
5. Norvegji
6. Sllovaki
7. Slloveni
8. Islandë
9. Letoni
10. Zvicër
11. Francë
12. Lituani
13. Danimarkë
14. Republika Çeke
15. Gjermani
16. Portugali
17. Kroaci
18. Uruguai
19. Rumani
20. Poloni
Suedia, tha Bremer, ka qenë në vendin e parë në vitet e fundit. Një nga arsyet është lëvizja flight-shaming suedeze.
“Kjo lëvizje vijon të ketë ndikime pozitive në rënien e ndjeshme të udhëtimeve të kryera brenda vendit, nga 6.6% në 2.7%” – tha Bremer.
Ajo theksoi se Suedia dhe Finlanda kanë disa ngjashmëri të cilat i rendisin në krye të listës në lidhje me pasuritë kulturore, duke përfshirë faktin se nuk kanë site të trashëgimisë botërore në UNESCO të rrezikuara, gjë që ka ndikuar në rritjen e pozicionit të tyre në klasifikim.
Në lidhje me Austrinë, Bremer nënvizoi se vendi renditet i pari në lidhje me qëndrueshmërinë sociale, e cila përfshin fokusin në barazinë, punët e denja, shpërndarjen e drejtë të të ardhurave, aksesin në nevojat bazë, shëndetin dhe përfshirjen. Në tërësi, kjo e ka ndihmuar Austrinë të renditet e treta në klasifikim.
Sustainable Travel Index 2023 identifikoi edhe dhjetë qytetet më të qëndrueshme në botë
Qytetet më të qëndrueshme në botë në vitin 2023
1. Melburn
2. Madrid
3. Sevilje
4. Stokholm
5. Talin
6. Toronto
7. Palma de Majorka
8. Las Vegas
9. Lisbonë
10. Mynih
