‘Bild’: Para gjithë botës, Rama i vë frenat ankesave ruse me një fjali

113 563 lexime

124,178FansaPëlqeje

Kjo ishte një deklaratë e qartë nga shefi! Dhe sërish kryeministri i Shqipërisë Edi Rama nuk i rezistoi dot një goditjeje ndaj Rusisë.., shkruan në një artikull Karen Von Guttenberg të botuar në të përditshmen gjermane “Bild”.

Në Këshillin e Sigurimit të OKB-së dje në Nju Jork, pati ankesa nga ambasadori rus në OKB, Wasili Nebensja që në fillim të samitit.

Atij nuk i pëlqeu fakti që presidenti ukrainas, Volodymyr Zelensky ishte i pari që foli pas sekretarit të përgjithshëm të OKB-së, Antonio Guterres, njësoj si vitin e kaluar.

Kjo, sipas mendimit të tij, do ta kthente seancën në një “stand-up show”, një ironi, për karrierën e mëparshme të Zelensky si komedian. Dhe gjithashtu, kjo do të dëmtonte imazhin e kreut aktual të OKB-së…

Por, Edi Rama, si kryeministër i Shqipërisë dhe aktualisht kryetar i Këshillit të Sigurimit të OKB-së nuk u acarua nga kjo.

Ai i bëri një goditje tjetër Rusisë me qetësi dhe vendosmëri: “Dëshiroj të siguroj kolegët rusë këtu dhe të gjithë të tjerët, se ky nuk është një operacion special i presidencës shqiptare, por një vazhdimësi e një praktike të gjatë dhe të vendosur që përputhet plotësisht me rregulloret e OKB-së”.

Edi Rama njihet si mendjemprehtë dhe me humor, siç e demonstroi së fundmi me një shaka të keqe ndaj Putinit, në një konferencë ndërkombëtare.

Edhe kësaj radhe, nga dhoma u dëgjuan të qeshura dhe nënqeshje, përpara se kreu i qeverisë shqiptare të mbyllte me besim dhe gjakftohtësi tërbimin e Wasili Nebensja me një fjali: “Ka një zgjidhje për këtë, nëse jeni dakord: ju jepini fund luftës dhe presidenti Zelensky nuk do të flasë. Kaq e thjeshtë është…”.

Lexo edhe :  Berisha takon deputeten e Forza Italia-s: E informova për regjimin e Ramës

Organi më i fuqishëm i Kombeve të Bashkuara u takua në samitin vjetor të nivelit të lartë të Asamblesë së Përgjithshme të Kombeve të Bashkuara. Pavarësisht luftës brutale të agresionit kundër Ukrainës, Rusia ka ende të drejtën e vetos./I.S

Të fundit

Space X niset drejt stacionit hapësinor për të zëvendësuar dy astronautët e bllokuar

Një raketë SpaceX Falcon 9 u nis me sukses nga Florida me katër anëtarë ekuipazhi në bord. Kjo do të...

15 Mars 2011/ Nis Lufta Civile Siriane

Trazirat në Siri, pjesë e valës së gjerë të protestave të Pranverës Arabe, u shkaktuan nga pakënaqësia me qeverinë e Bashar Al Asadit, dhe...

Rama: Votoni masivisht PS, që më 2030 të keni pasaportën europiane të Shqipërisë

Kryeministri Edi Rama ka folur gjatë podcastit “Flasim” për rëndësinë e votës masive për Partinë Socialiste në zgjedhjet e ardhshme, duke theksuar se ky...

Muzhaqi për nisjen e karrierës në PS: Kur mora telefonatën u impresionova

Bora Muzhaqi, kandidate për deputete në listën e mbyllur të Partisë Socialiste, ka ndarë eksperiencën e saj për nisjen e karrierës politike në Shqipëri...

Liliana Cavani, ‘Ta shpëtojmë kinemanë nga TV’

Ajo është kumbara e "Guardians of Dreams - Thesaret e Bibliotekës Kombëtare të Filmit" nga Francesco Gallo “Është e kotë që Qendra Eksperimentale të vazhdojë të...

Lajme të tjera

Web TV