Kryeministri Edi Rama po mban një konferencë për mediat me zëvendëskryeministrin italian, njëherësh dhe ministër i Jashtëm, Antonio Tajani. Gjatë fjalës së tij, kreu i qeverisë përmendi bashkëpunimin e shkëlqyer mes dy vendeve ndërsa theksoi se Italia është avokati më i mirë në Bruksel.
“Kjo do të thotë se jo vetëm gjuha e përbashkët, meqë italishtja është gjuha e dytë e shqiptarëve po edhe gjuha politike dy palëshe, ndërkombëtare është e njëjta.
Kjo ka të njëjtën qëndrime mbi të gjitha çështjet dhe na bën nder që Italia është avokati ynë më i besuar në nivelin evropian dhe zëri më i fortë në Bruksel për të mbështetur Shqipërinë dhe Ballkanin perëndimor në rrugëtimin evropian. Na kënaq shumë që kjo qeveri ka një angazhim të veçantë për të kaluar nga shumë premtime të të qenit bashkërisht“, theksoi Rama./I.S
