Lulzim Basha, pasi mori peng vulën e Partisë Demokratike dhe u tall me demokratët për largimin e tij si kryetar, ka nisur të bëjë disa udhëtime nëpër qytete të ndryshme të vendit, të cilat i shet si takime.
Këtë të enjte, Basha ka shkuar në zonën bregdetare të Shëngjinit.
Ai është ulur në një restorant me 9 gra dhe me këtë rast ka dhënë një mesazh për nënat shqiptare.
Luli thotë se gratë duhet të jenë prioritet për Qeverinë, pasi thekson se ata e bëjnë familjen më të fortë dhe shoqërinë më të shëndetshme.
“Kënaqësi të bashkëbisedoja me një grup grash lezhjane. Për mua fjalët nuk mjaftojnë për të shprehur mirënjohjen e madhe ndaj nënave e grave shqiptare.
Unë e di që ditët janë shumë të vështira për çdo grua. Ato sakrifikojnë më shumë se kushdo për të siguruar mirëqenien e familjes, për t’u kujdesur për fëmijët dhe punët e përditshme të shtëpisë.
Sa më e sigurt, e pavarur dhe e sukseshme të jetë një grua aq me e fortë do të jetë familja dhe më e shëndetshme do të jetë shoqëria.
Prandaj kujdesi dhe mbështetja për gratë duhet të jetë prioritet për çdo qeveri”, shkruan Basha në rrjetet sociale./ S.M
