Partia Socialiste ka kërkuar miratimin e një projekt-rezolute, “për dënimin e sulmit të armatosur terrorist në veri të Republikës së Kosovës dhe në mbështetje të përpjekjeve për garantimin e sigurisë dhe paqes në vend e rajon”.
Kërkesa është dorëzuar në Kuvend më 2 tetor dhe mban firmën e kryetarit të Grupit Parlamentar të PS, Bledar Çuçi.
Partia Socialiste e konsideron” akt terrorist” vrasjen e Policit të Kosovë, Afrim Bunjaku, ndërsa mbështet të gjitha veprimet e qeverisë së Kosovës në raport me ngjarjen.
Teksa bën thirrje për dënimin e Serbisë për këtë ngjarja, PS-ja kërkon një shtim të trupave të KFOR në pjesën e veriut. Këtë thirrje e bëri pak ditë më parë në një konferencë për mediat edhe kryeministri Edi Rama, me synimin për të ulur tensionet në atë zonë.
