Presidenti i Serbisë, Aleksandër Vuçiç ka reaguar ndaj deklaratës së Presidentes së Kosovës, Vjosa Osmani, e cila ka kërkuar që Bashkimi Evropian të vendosë sanksione ndaj Serbisë, pas sulmit të 24 shtatorit në Banjskë të Zveçanit.
Vuçiç u shpreh se nuk është gjë e mençur që të shantazhohet Bashkimi Evropian, për të vendosur sanksione, shkruan Euronews Serbia.
Ai nënvizoi se nuk ka kërkuar sanksione ndaj asnjë vendi.
“Ka shumë dallime mes nesh, njëra prej tyre është se unë kurrë nuk kam kërkuar sanksione ndaj askujt, besoj se nuk është e drejtë, nuk është e mençur politikisht, sidomos të mos shantazhosh BE-në për të bërë diçka që dëshiron dhe se kundër dikujt dhe jo në favorin tuaj. Unë kurrë nuk do ta bëja këtë. Por, në çdo rast, i takon shteteve anëtare të vendosin”, tha presidenti serb./I.S
