“Gjiro Open Air”, kampionati i përvitshëm i paragliding startoi të premten në aerodromin e Gjirokastrës, ndërsa krahas nxitjes së sporteve të ajrit synon edhe tërheqjen e turistëve.
Kryeministri Edi Rama ndau sot në rrjetet sociale pamjet e spektaklit të “Gjiro Open Air”, tanimë i kthyer në shtëpinë e këtij eventi të madh sportiv mbarëkombëtar.
Rama bëri të ditur se vitin e ardhshëm do të organizohet Kampionati Europian i paragliding.
Pilotë nga vende të ndryshme e çmojnë eksperiencën si unike për shkak të mjedisit ideal të kodrave dhe luginës së Drinos mbi të cilën fluturohet.
Aktiviteti organizohet nga Federata e Aeronautikës dhe në garë marrin pjesë rreth 45 parashutistë nga vende të ndryshme të botës që realizojnë fluturime në kategori të ndryshme të sporteve të ajrit parashutë dhe paramotor/ S.M
