Pas sulmeve nga Hamasi forcat izraelite kanë nisur përgatitje për një operacion tokësor në Gaza.
Një zëdhënës i IDF-së njoftoi se 35 batalione janë dislokuar pranë Rripit të Gazës, ndërsa vazhdojnë përgatitjet për krijimin e infrastrukturës për të realizuar operacione të mëtejshme.
Gjithashtu u bë e ditur se qeveria izraelite ka dhënë ‘dritën jeshile’ për mobilizimin e të paktën 360 mijë rezervistëve, një numër ky i rritur në krahasim me të dhënat e raportuara më herët.
Ndër të tjera kryeministri i Izraelit, Benjamin Netanyahu në fjalimin e tij të zhilluar më herët paralajmëroi se Izraeli do t’i përgjigjet çdo sulmi.
“Çdo vend në të cilën vepron Hamasi do të kthehet në gërmadha. Të gjithë armiqtë tanë e dinë se sulmi ndaj Izraelit ishte një gabim i tmerrshëm. Kundërpërgjigja jonë do të mbetet në histori”, ka thënë ndër të tjera Netanyahu./I.S