Një nga ngjarjet më të tmerrshme të fundjavës në Izrael filloi me një festë. Festivali përfundoi në tragjedi pasi qindra pjesëmarrës në festival u vranë nga persona të armatosur të Hamasit, në një sulm të paprecedentë ndërkufitar.
Vajza që i mbijetoi sulmit, Shea Golin, tha për BBC se mbijetoi vetëm sepse u shtir si e vdekur duke u shtrirë mbi trupa të tjerë
“Unë thjesht jam shtrirë mbi të vdekurit për t’u dukur si një prej tyre. U befasova kur u zgjua një vajzë. Isha aq e lumtur që dikush ishte gjallë me mua, sepse mendoja se isha i vetmja e gjallë”, tha 22-vjeçarja.
Golin dhe vajza tjetër e mbijetuar, e cila pësoi lëndime në kokë, u futën në një veturë aty pranë dhe u përpoqën të arratiseshin. Në fund, ato u shpëtuan nga ushtarët izraelitë.
“Njerëzit po vdisnin rreth nesh. Ndihem sikur isha në ferr”, tha ajo.
Më shumë se 260 trupa u gjetën të vrarë në vendin ku u mbajt festivali./ S.M
