Kalifornia ka miliarderin më të ri në SHBA dhe kjo falë një bilete lotarie të Power Ball.
Fituesi ka mundësinë që të tërheqë të gjithë shumën e plotë për 30 vite ose të marrë 774 milionë dollarë përnjëherë në dorë.
Sipas mediave ai ka rrëmbyer në këtë mënyrë xhekpotin e dytë më të madh në historinë e kësaj lotarie.
“Urime miliarderit më të ri të Powerball dhe miliona lojtarëve të Powerball që fituan çmime të tjera në shortin e mbrëmshëm,” tha Drew Svitko, kryetar i Poëerball Product Group dhe Drejtor Ekzekutiv i Lotarisë së Pensilvanisë.
Bileta fituese është shitur në një dyqan pijesh alkoolike në Frazier Park, rreth 120 km larg Los Angeles dhe ka kushtuar 2 dollarë./I.S
