Gjatë fjalës së saj në konferencën e përbashkët me kryeministrin Edi Rama dhe kancelarin gjerman, Olaf Scholz në kuadër të Samitit të Procesit të Berlinit në Tiranë, Presidentja e Komisionit Evropian, Ursula Von der Leyen, ka deklaruar se nëse do të ketë reforma, do të rriten investimet nga BE.
Ajo ka theksuar se këto reforma do të afrojnë Ballkanin Perëndimor drejt anëtarësimit dhe do ta bëjnë edhe më tërheqës për investitorët europianë.
“Për t’ju dhënë disa shembuj siç është pagimi pa para në dorë, roaming, energji elektrike, për të përmendur disa. Ndërsa, fasha e dytë Ballkani Perëndimor duhet të plotësojë tregun e përbashkët rajonal. Nëse do ta realizonit këtë gjë, do të rriste GDP me 10% të Ballkanit Perëndimor. E treta, nëse duam të japim akses në tregun singular patjetër që duhet të ketë standarde të njëjta dhe reforma të nevojshme. Këto reforma do të afrojnë Ballkanin Perëndimor drejt anëtarësimit dhe këto reforma do ta bëjnë dhe më tërheqës për investitorët europiane. Do ta bëjë ekonominë reskpektive që është shumë e rëndësishme, të konvertueshme. Kemi një situatë ku vendet e Ballkanit Peëndimor janë 25 % e ekonomisë dhe kemi shumë punë për të bërë“, tha Von Der Leyen./I.S
