Të dhënat e një studimi të ri thonë se vendet e G20 po dështojnë të integrojnë ndotjen e ajrit në planet e tyre klimatike.
Kur mendojmë për rreziqet e lëndëve djegëse fosile, ne priremi të imagjinojmë pasojat klimatike në një shkallë të madhe nga zjarret e egra deri te përmbytjet.
Por ka, sigurisht, një mënyrë më të drejtpërdrejtë që djegia e qymyrit, naftës dhe gazit na dëmton. Është pikëkrisht ndotja e ajrit.
“Ndotja e ajrit qëndron në lidhjen e shëndetit publik dhe ndryshimeve klimatike, megjithatë shumë vende ende nuk po arrijnë të korrin përfitimet shëndetësore të ajrit të pastër dhe veprimit klimatik,” thotë Nina Renshaë, drejtuese e shëndetësisë në Fondin e Ajrit të Pastër.
Shumica e vendeve që pasqyrojnë konsideratat e cilësisë së ajrit në planet e tyre klimatike janë në Jugun Global, sipas GCHA. Por dy vende kryesojnë paketën në Evropë: Shqipëria dhe Moldavia, shkruan Euronews.
Shqipëria veçon ndikimin e cilësisë së dobët të ajrit në kushtet kardiovaskulare dhe të frymëmarrjes, veçanërisht në Tiranë dhe qytete të tjera.
Jo pa shkak, kryeqyteti renditet i pari pasi dyndja e popullsisë është më e madhe, e për rrjedhojë edhe trafiku i automjeteve i cili është kthyer në “makthin” e çdo dite për qytetarët.
Vendet e tjera evropiane, përfshirë Bashkimin Evropian mund të gjenden më poshtë në renditje.
Megjithëse BE-ja përfshin disa ndotës të ajrit në angazhimet e saj, ajo nuk arrin të bëjë të qartë lidhjen midis ndotjes së ajrit, shëndetit dhe veprimit klimatik.
Për këtë arsye, ndodhet prapa vendeve me rezultate më të larta të G20 si Kanadaja dhe Kina.
Indonezia dhe Arabia Saudite janë më të ulëtat në tabelë me një dhe zero pikë respektivisht./ S.M
