Në emisionin Top Story të drejtuar nga Grida Duma u diskutua për milionat e hedhura për mjekime të gabuara.
Kryeredaktori i “Inside Story”, Andi Malasi bëri zbulimin tronditës se ka spitale private që i mbajnë pacientët e vdekur brenda për ditë me radhë.
“Ka dhe raste kur spitalet private i mbajnë pacientët aty të vdekur për disa ditë sepse është ajo pagesa 100-200 euro për natë qëndrimi. Dhe për qëllime fitimi i mbajnë më shumë,” tha Malasi.
Në mesin e diskutimeve, Adriatik Lapaj po ashtu bëri deklaratën e fortë se në Shqipëri ka mjekë që nën efektin e drogës futen për të operuar pacientë.
“Po mor po, e di unë. Unë në Shqipëri njoh mjekë shumë të mirë, ashtu siç njoh dhe mjekë që nuk e meritojnë të jenë mjekë. Atyre u duhet bërë provimi.
Ashtu si i duhet bërë dhe disave testi i drogës se ka nga ata që pasi kanë pirë kokainë futen në sallë të operimit.
Ky është fenomen shqetësues. Makutëria ka bërë që në këtë vend të mungojnë ilaçet,” tha Lapaj/ S.M
