A jeni i varur nga kafeja si shumica e njerëzve?
Epo, nëse jeni, ne jemi të sigurtë që keni dëgjuar edhe disa njerëz që thonë se kafeja nuk është aspak e mirë për shëndetin dhe se duhet të ndaloni së piri shumë prej saj.
Teksa ata kanë të drejtë deri diku, ne jemi këtu për t’ju bërë të shikoni anët e ‘ndritshme’ të pirjes së kafesë. Në këtë artikull do të listojmë disa nga përfitimet shëndetësore të pirjes së kafesë, të vërtetuara nga shkenca.
Shikoni 3 përfitimet kryesore shëndetësore të pirjes së kafesë më poshtë për t’u ndjerë më pak në faj për filxhanin tuaj të përditshëm të saj.
Më shumë aktivitet fizik
Të gjithë e dinë se kafeja është një nxitës i shkëlqyer i energjisë dhe një pije për netët e gjata. Megjithatë, duke folur shkencërisht, një studim i vitit 2018 tregoi se pija në të vërtetë rrit aktivitetet trupore dhe rrit veprimet fizike.
Sipas studimit, femrat që pinë një ose dy filxhanë kafe rregullisht, kanë më shumë gjasa të arrijnë nivelet e rekomanduara të aktivitetit fizik ditor sesa ato që nuk konsumojnë kafe. Pra, nëse ndonjëherë ndiheni sikur trupi juaj nuk ka qenë aktiv për disa kohë, filloni të pini kafe!
Përmirëson zemrën
Çështjet e zemrës mund të jenë të komplikuara, një filxhan i nxehtë me kafe të mirë të bluar çdo ditë mund të ndihmojë në përmirësimin e gjendjes së saj.
Sipas hulumtimeve, ata që pinë dy deri në tre filxhanë kafe në rutinë të përditshme kanë më pak gjasa të zhvillojnë sëmundje të zemrës sesa ata që nuk pinë kafe.
Për më tepër, një studim i fundit konfirmoi gjetjet e hulumtimit të mëparshëm dhe tregoi se pirja e më shumë kafes mund të zvogëlojë rrezikun e dështimit të zemrës.
Redukton rrezikun e diabetit të tipit 2
Ndërsa ka rreziqe të tjera të pirjes së kafesë, një nga arsyet më të mira për ta pirë atë është se zvogëlon mundësinë e zhvillimit të diabetit të tipit 2.
Diabeti i tipit 2 është në thelb një sëmundje kronike që prek miliona njerëz në mbarë botën. Sipas një rishikimi të studimeve të shumta, është gjetur se njerëzit që pinë kafe çdo ditë kanë më pak gjasa të zhvillojnë diabetin e tipit 2.
Kjo është për shkak të faktit se kafeja është në gjendje të ruajë funksionet e qelizave beta në pankreasin tuaj.
Këto janë përgjegjëse për prodhimin e insulinës, një element për të rregulluar nivelet e sheqerit në gjak në një trup.
Pra, këto janë disa nga përfitimet unike shëndetësore të pirjes së kafesë çdo ditë. Megjithatë, vlen të përmendet se konsumimi i tepërt i kafesë mund të jetë një rrezik për shëndetin pasi mund të shkaktojë ankth të tepërt, pagjumësi dhe probleme me tretjen./ S.M
