Nëse mendoni që jeni të rrethuara me mike, të cilat do t’i fusin duart në valë për ju, mbase pas këtij teksti do t’i hapni mirë sytë.
Kur jemi moshë të re mendojmë që kemi shumë mike. Dhe besojmë fuqishëm që gjithmonë do të jenë me ne. Mirëpo ndonjëherë nuk është ashtu.
Për disa nga ato mendojmë që do plakemi bashkë, ndërkaq të tjerave do t’ua falim ndërhyrjet e vazhdueshme dhe dobësitë për të mirën e grupit.
Pikërisht ky grupi i dytë gjithmonë do të krijojë probleme. Për t’i penguar ato që t’ju krijojnë probleme, duhet të ndaheni me kohë.
Ajo e cila ju shfrytëzon
Ajo qëndron me ju vetëm kur i nevojitet diçka. Kur duhet t’i jepni para hua, t’i dëgjoni ankimet për ish-in, ose kur i bëni ndonjë shërbim tjetër. Ajo as që do të kujtohet t’ju pyesë si jeni apo a ju nevojitet diçka. Thjesht ajo nuk çan kokën për këto gjëra.
Kritikuesja
Keni shtuar peshë? Ajo do t’jua thotë këtë, por me një dozë ironie. Nëse keni humbur peshë, ajo as që do ta vërejë. Gjithmonë do të gjejë mënyrë që t’ju ulë vetëbesimin, kurdo që të jetë kjo e mundshme. Negativja e tillë me siguri nuk ju nevojitet ta keni pranë.
Garuesja
Jeta e saj është lojë e përhershme, një garë e përhershme. Gjithmonë do të garojë me ju, p.sh. se është më e mençur, më e bukur, më simpatike, e cila e ka edhe të dashurin më të mirë.
Për të nuk ka rëndësi asgjë tjetër, rëndësi ka që ajo është më e mirë se ju, madje e thotë këtë para të gjithëve.
Nuk është personi edhe aq i dëshiruar, apo jo?
Ju kopjon në çdo gjë. Keni blerë fustan të kuq shumë të bukur dhe të nesërmen atë e shihni me fustan të njëjtë. I keni treguar për mashkullin i cili ju pëlqen dhe ajo të nesërm e cakton takimin me të.
E keni njohur me miqtë tuaj dhe ajo fillon të shoqërohet me ta, ndërkaq juve ju injoron. Nëse keni mike të tillë ikni sa më larg nga ajo. Nuk ju nevojitet “vajza e tillë me fustan të gjatë të bardhë” në ceremoninë e kurorëzimit të martesës suaj. / S.M
