Histori prekëse dhe tronditëse raportohen gati çdo ditë nga lufta mes Izraelit dhe Hamasi dhe pasojat e saj në njerëz.
Ilan Regev, babai i 21-vjeçares Maya, e cila ishte në festivalin muzikor ku u vranë 260 persona nga Hamasi mëngjesin e 7 tetorit, ka treguar për telefonatën e fundit që ka pasur me të bijën.
“Babi më qëlluan, më qëlluan. Ai po na vret babi, po na vret”, tha e reja izraelite që ishte në festival me vëllain e saj 18-vjeçar. Babai i saj, i cili shpërtheu në lot në intervistën që dha për CNN , dëgjohet në telefon duke i kërkuar vajzës së tij t’i dërgonte koordinatat e zonës ku ndodhej ndërsa i thoshte “Po vij”.
21-vjeçarja thuhet se ka arritur t’i dërgojë një mesazh edhe nënës së saj, Mirit, para masakrës në festival ku ajo i ka thënë “Të dua”.
Për momentin në familjen e vajzës së re nuk ka asnjë informacion nëse ajo është gjallë apo është vrarë, ndërsa për vëllain e saj një mik i ka dërguar babait të tij një video në të cilën ai shfaqet i gjallë.
“Mendoj se është gjallë, nuk e di, por nuk duket se është vrarë nga të shtënat me armë”, tha babai i tij. Siç kanë shpjeguar prindërit e dy fëmijëve, ata e kanë bërë publike këtë telefonatë pasi duan që bota të dijë masakrate bëra nga Hamasi. / S.M
