Eksperti i Sigurisë, Fatjon Softa në intervistën ka komentuar momentin e arrestimit të Jamarbër Malltezi, në aeroportin Nënë Tereza dy ditë më parë me urdhër të SPAK.
Softa tha se pamjet e kapura nga kamerat e sigurisë tregojnë momentin kur 5 punonjës policie civil dhe disa të tjerë të cilët kanë ndaluar Malltezin në këto ambiente, por që nuk kishin mjete identifikimi apo mbishkrimin ‘Policia’.
Sipas tij ky moment në sytë e qytetarëve vendas ose të huaj të pranishëm në aeroport mund të jetë parë si rrëmbim.
“Arrestimi është bërë në një ambient publik dhe për arsye që mos të identifikohen në mënyrën e ndalimit, mund të kemi shërbime civile por gjatë shoqërimit ata duhet të jenë me jelek ose uniformë policie.
Në rastin e ndalimit të Fredi Belerit, është prezenca e 4 punonjësve të oficerëve të veshur civil ndërsa për Malltezin kemi disa punonjës që e shoqërojnë dhe disa të tjerë që e çojnë drejt fugonit.
Nuk ka asnjë punonjës që kanë pasur pajisje identifikimi, për shkak të ambientit ku u realizua.
Duhet të kishte uniforma ose mbishkrime për identifikimin, për shkak të ambientit, nuk është gjë pozitive për të huajt. Në moment mund të kishte një kombinim mes punonjësve, për të kuptuar se nuk ishte rrëmbim por shoqërim.
Kjo ka qenë edhe një vërejtje që është bërë edhe gjatë protestave, si rasti i Rashës.
Një ndër vërejtjet që ka qenë nga Këshilli i Evropës, ishte edhe ajo e shenjave të identifikueshme që duhet të kenë punonjësit e policisë, për të rritur përgjegjshmërinë”, tha Softa./ S.M
