Mbrëmjen e së shtunës policia me urdhër të SPAK ndaloi në aeroportin e Rinasit dhëndrin e ish-kryeministrit Sali Berisha, Jamarbër Malltezi.
Sipas SPAK, ky arrestim erdhi pasi mbi të rëndojnë akuzat për privatizimin e ish-kompleksit Partizani.
Megjithatë duket se Malltezi ka hedhur poshtë këto akuza dhe nëpërmjet avokatëve të tij shprehet se bëhet fjalë për një sulm politik ndaj tij si dhe Sali Berishës nga ana e qeverisë.
Dy avokatët që e kanë kontaktuar në bllokun e sigurisë, ku ky i fundit ka mohuar akuzat dhe ka pretenduar se është sulm politikisht ndaj tij dhe zotit Berisha.
Malltezi, thuhet në dosjen e SPAK, ka përfituar 5.6 milionë euro. Qëndrimi i tij do të duhet të shihet, pasi ai nuk është pyetur më herët nga SPAK.
Ky ishte një tjetër argument që përdori Berisha, se Malltezi nuk ishte marrë kurrë në pyetje nga SPAK. SPAK ka çelur një hetim penal sa i përket pasurisë së Berishës dhe personave të lidhur me të./ S.M
