Zëvendëskryeministrja Belinda Balluku një ditë më parë dha ljamin e rëndësishëm se FATF ka nxjerrë nga lista gri e pastrimit të parave të pista Shqipërinë.
Në deklaratën e FATF-së thuhet se Shqipëria ka bërë një përparim në luftën kundër parave të pista.
Në dokument renditen 6 pikat që FATF ka evdientuar në përparimin e Shqipërisë në këtë çështje.
FATF nënvizon se, Shqipëria kë kryer analizat shtesë të thelluara për të kuptuar mjaftueshëm paratë e pista dhe rreziqet e tjera, dhe rritja e koordinimit dhe bashkëpunimit institucional, formalizimi i ekonomisë dhe zvogëlimi i rreziqeve të PP/TF që vijnë nga përdorimi i gjerë i parave të pista dhe regjistrimin e informacionit mbi pronësinë në pothuajse të gjithë vendin.
2- Shqipëria ka përmirësuar trajtimin në kohë të kërkesave për ndihmë të ndërsjellë juridike.
3-Krijimi i mekanizmave efektivë për zbulimin dhe parandalimin e infiltrimit kriminal në ekonomi, duke përfshirë forcimin e kompetencave të autoriteteve kompetente për të ndërmarrë veprimet e nevojshme.
4-Sigurimin që informacioni i saktë dhe i përditësuar bazë dhe përfitues i pronësisë është i disponueshëm në kohën e duhur.
5-Rritja e numrit dhe përmirësimi i sofistikimit të ndjekjeve penale dhe konfiskimeve të parave të pista, veçanërisht në rastet që përfshijnë vepra penale të huaja.
6-Përmirësimi i zbatimit të sanksioneve financiare të synuara, veçanërisht nëpërmjet veprimeve të zgjeruara mbikëqyrëse dhe shtrirjes së synuar dhe proaktive. Prandaj, Shqipëria nuk i nënshtrohet më procesit të monitorimit të rritur të FATF-së./ S.M
