Udhëtimi në vende të largëta, dhe hobi të reja mund të jenë disa nga aktivitetet që njerëzit do të dëshironin të bënin pasi dalin në pension.
Megjithatë, shumë shpesh, pensionistët nuk kanë burime për të mbështetur veten, e jo më të përmbushin dëshirat e tyre. Shqetësimet e vazhdueshme ekonomike, si inflacioni më i lartë dhe normat e interesit, shtojnë problemet për këta individë.
Holanda, shënoi nivelet të lartat në një renditje të fundit, e ndjekur nga Islanda, Danimarka dhe Izraeli. Këto vende kanë disa nga sistemet më të forta të pensioneve, sipas Indeksit Global të Pensionit nga Instituti CFA për vitin 2023.
Ndërsa nota për SHBA-në ishte ‘C+’, duke e vendosur vendin në vendin e 22-të në listë. Në fakt, sipas CNBC, vende si Kazakistani, Kolumbia, Franca dhe Spanja morën të njëjtën notë.
Ka “disa tipare të mira” në sistemet e tyre të pensioneve, por gjithashtu “risqe” dhe “mangësi” që mund të ndikojnë në efektivitetin dhe qëndrueshmërinë e tyre afatgjatë nëse nuk trajtohen, thuhet në sondazh.
Analiza bazohet në më shumë se 50 faktorë, duke filluar nga mbështetja dhe përfitimet e qeverisë tek zhvillimi ekonomik lokal e deri te lehtësitë dhe komunikimi.
Në raport janë vlerësuar gjithsej 47 skema të ndryshme pensionesh. Ata të gjithë funksionojnë në rrethana dhe kontekste të ndryshme dhe disa të dhëna mund të jenë të vështira për t’u krahasuar, vë në dukje raporti, kështu që sistemet me rezultate paksa të ndryshme shpesh janë të barabarta./ S.M
