Në kallëzimin e depozituar thuhet se prej kohësh Kozak Braci dhe familja e tij ndihet e kërcënuar nga ky personazh për shkak të disa sherreve ku janë nisur në rrjete sociale.
TIRANË– Personazhi i njohur në “TikTok”, Kozak Braçi, ashtu siç e bëri me dije edhe në një live, pak ditë më parë i është drejtuar Komisariatit numër 4 për të kallëzuar një tjetër. Bëhet fjalë për Kleviol Ahmeti, reperi nga Lushnja, i cili njihet me emrin e artit “Cllevio Serbiano”. Në kallëzimin e depozituar thuhet se prej kohësh Kozak Braci dhe familja e tij ndihet e kërcënuar nga ky personazh për shkak të disa sherreve ku janë nisur në rrjete sociale.
Ndërsa live, tha: O Clleviol do të të denoncoj. Më tremb çunin 3 muajsh. Do ju vras të gjithë. Ja ku jam, tek Komisariati. Tani do të të denoncoj po erdhi njeri do e vras. Do të më trembësh çunin. *Futet në Komisariat. O vëllai si kalove? Doja të bëja një denoncim, ku mund ta bëj një denoncim për një person. është një person që paguan lekë, më vendos tritol. është një shok nga interneti. Merre pak shefin thuaj ka ardh Kozaku me denoncu live. Edhe po erdhi ndonjë do them kam kërkuar mbrojtje, Policia nuk ka marrë masa, bëra vetëgjyqësi. Do të të denoncoj e do të të kapi Interpoli. Kemi me të bo denoncim 10 veta.
Sipas mediave, nisur edhe nga kallëzimi komisariati i policisë nr. 4 ka shpallur në kërkim policor Kleviol Ahmetaj. Nga verifikimet ka rezultuar se Ahmetaj me banim në Lushnjë nuk është gjetur në banesë, por sipas asaj që deklaron vetë Ahmeti në rrjetet sociale, aktualisht ndodhet në Zvicër./I.S
