Kompania ajrore Ryanair ka nisur fluturimet prej ditës së djeshme në Shqipëri.
Kryeministri Edi Rama bëri të ditur se kjo kompani do të kryejë 200 fluturime në javë në 17 destinacione.
“Kompania ajrore Ryanair ka nisur fluturimet prej ditës së djeshme në Shqipëri, me destinacionin e parë drejt Romës. Kompania do të kryejë 200 fluturime në javë në 17 destinacione”, u shpreh Rama.
Ryanair do të shërbejë gjithsej 17 destinacione të reja drejt dhe nga Shqipëria, duke na lidhur me tregjet e rëndësishme të turizmit si Belgjika, Franca, Gjermania, Italia, Polonia, Suedia dhe Mbretëria e Bashkuar.
Ky zhvillim jo vetëm rrit lidhshmërinë dhe turizmin në rajonin tonë, por gjithashtu krijon mundësi punësimi dhe bën udhëtimin më të arsyeshëm dhe të lehtë për qytetarët shqiptarë dhe vizitorët drejt Shqipërisë./ S.M
