Gazetari Julian Kasapi, i cili shkoi në Izrael për të raportuar luftën me Hamasin, ka folur për situatën që pa nga afër.
Kasapi tha se popullata ishte e armatosur dhe vajzat e reja dilnin në kafe me automatik.
Ai theksoi në emisionin e Blendi Fevziut se edhe disa gazetarë raportonin live me pistoletë në brez.
“Ajo që mua me të vërtetë më ka bërë përshtypje është se e gjithë popullata është e armatosur. Unë kam parë vajza të reja të cilat në vend të çantës mbanin automatik. Në kafe me automatik.
Unë kam parë gazetarë që raportonin live me pistoletë në brez dhje kjo më ka bërë shumë përshtypje. Ndoshta është normale për Izraelin për popullsinë e tyre”, nënvizoi Kasapi./ S.M
