Në disa fshatra janë këputur linjat e tensionit të ulët.
PUKË- Era e fortë dhe reshjet e denduar të shiut kanë shkaktuar probleme me energjinë elektrike në Pukë. Mësohet se pa energji elektrike kanë mbetur rreth 12,000 banorë, ndërsa edhe disa njësi administrative të Fushë Arrëzit po ashtu janë pa drita.
Në disa fshatra janë këputur linjat e tensionit të ulët. Riparimi i tyre është bërë i pamundur për shkak të erës së fortë dhe shiut. Probleme të energjisë elektrike janë raportuar edhe në Fushë-Arrëz.
Prej tre ditësh, Shqipëria po vuan pasojat e stuhisë ‘Ciaran’ që mbërriti në vendin tonë, pas dëmeve që shkaktoi në Evropë. Dëmet ishin të shumta dhe përmbytjet nuk kanë munguar./I.S
