Këtë të martë në orën 15:00 në Gjykatën e Posacme të Shkallës së Parë për Korrupsionin dhe Krimin e Organizuar do të zhvillohet gjyqi për kryebashkiakun e zgjedhur të Himarës, Fredi Belerin.
Sipas burimeve mësohet se seanca e kaluar u shoqërua me debate.
Dëshmitari Abdyl Rama, vëllai i bashkëpunëtorit të drejtësisë Arsen Rama që fundosi Belerin me akuzën për blerjen e votave nuk është paraqitur në seancë.
Gjithashtu kujtojmë se Beleri u arrestua dy ditë përpara zgjedhjeve vendore të 14 majit.
Sipas prokurorisë, përgjimet e realizuara tregojnë se ai ka ofruar para në këmbim të votave në favor të tij. Vetë Beleri ka hedhur poshtë akuzat dhe ka folur për një akt me sfond politik./ S.M
