“kryqëzohet” Macron, merr pjesë në ceremonin hebraike në Pallatin Elize

113 563 lexime

124,178FansaPëlqeje

Kundërshtarët e akuzojnë për tradhti ndaj Republikes

Presidenti i Francës, Emmanuel Macron është vënë në qendër të kritikave nga të dyja krahët e politikës pasi mori pjesë në një ceremoni hebraike brenda rezidencës së tij zyrtare, Pallati Elize.

Në një vend ku ndarja e fesë nga shteti është mjaft e rëndësishme, ndezja e qiririt për festën hebraike Hanukkah brenda sallës historike të Festivalit të enjten u kritikua menjëherë nga politikanët e së majtës dhe së djathtës, të cilët e akuzuan atë se ka tradhtuar Republikën e Francës.

Presidenti Macron e kishte ftuar kryerabinin, Haimm Korsia, për ta ndezur qiririn e parë nga tetë qirinjtë në Hanukkah, apo shandan, për te shënuar fillimin e festivalit hebraik të dritës.  Por, kur videoja e ceremonisë u shfaq në rrjetet sociale, kritikat shpërthyen nga të gjitha anët. Për francezët, presidenti kishte bërë një gabim turpërues duke e lejuar futjen e fesë brenda presidencës laike.

“Më sa di unë, kjo është hera e parë që ndodh një gjë e tillë. Kjo është shkelje e laicizmit”, tha David Lisnard, një figure e lartë opozitare nga krahu i djathtë, i cili është edhe kryetar i Kanës.

“Elize nuk është vend i fesë. Nuk mund të bësh kompromis me laicizmin”, tha presidentja socialiste e rajonit Oksitania, Carole Delga.

“A do ta bëjë tani Macroni të njëjtën gjë edhe për fetë e tjera? Për disa po, për disa jo? Kjo është lëvizje e rrezikshme”, tha Alexis Corbiere nga ekstremi i majtë Franca e Papërkulur.

Ndërkohë që si për të qetësuar kritikat, kreu i Elizesë zhvilloi të premten një vizitë të papritur në kantierin e rindërtimit të katedrales Notre-Dame, nga ku ftoi Papën që vitin tjetër ta inaugurojnë së bashku. Duke folur për mediat ai tha se nuk ishte penduar për ndezjen e qiririt dhe se ftesa e tij për kryerabinin ishte bërë “në frymën e Republikës dhe të pajtimit”.

Lexo edhe :  Amerikanët nuk pajtohen me politikat e Trump/ Transferojnë dollarë në bankat zvicerane

Ideja e laicizmit u fut në ligjin francez më 1905, pas shumë vitesh mosmarrëveshjesh mes shtetit dhe Kishës Katolike Romake. Ligji garantoi lirinë e besimit, por i dha fund përfshirjes shtetërore në kishë dhe i largoi të gjitha shenjat e fesë nga ndërtesat publike./O.S

Të fundit

Rrëfimi i një siriani në Kosovë: Si i ika luftës, por mbeta i burgosur në Prishtinë

Frikë se do të detyrohej t’i merrte armët për të luftuar për regjimin e tashmë ish-presidentit sirian, Bashar al-Assad,...

Efektet e tarifave të Trump, tregjet globale të aksioneve vijojnë rënien

Vijojnë të bien tregjet globale të aksioneve në mbarë botën që kur Presidenti i SHBA Donald Trump njoftoi tarifa të reja për importet nga...

Gazeta saudite zbulon propozimin e ri egjiptian për armëpushim në Gaza

Një propozim i ri egjiptian për të arritur një armëpushim në Rripin e Gazës është zbuluar nga gazeta saudite Asharq Al-Awsat, e cila citon...

“Qeveria ka bllokuar Tik Toku-n”/ Berisha denoncon në KE: Po na kontrollojnë internetin!

Lideri i Opozitës, Sali Berisha, ka denoncuar para grupit konservator të KE-së faktin se Qeveria shqiptare ka instaluar pajisje DPI për të kontrolluar internetin...

Grabitja spektakolare e furgonit me 6 milionë euro

Policia franceze ka nisur një hetim të thelluar pas një grabitjeje spektakolare të një kamioni të blinduar, e cila ndodhi në Verdun-sur-Garonne, një komunë...

Lajme të tjera

Web TV