Para se të niste rrugëtimi i X-Factor, flitej gjerë e gjatë për anëtarët e jurisë. Një ndër to pritej të ishte edhe Bleona Qereti. Këngëtarja që po bën ‘namin’ në Amerikë ka një marrëdhënie të hershme shoqërore me regjisoren Vera Grabocka, por gjithsesi ftesës së saj kësaj radhe i tha ‘Jo’.
Bleona ka patur plane shumë më të mëdha: Këngëtarja do jetë pjesë e Big Brother Vip 3. Herën e fundit që Bleona qe pjesë e produksioneve të Grabockës, ishte në emisionin ‘Love Story’, ku nga i gjithë paneli i opinionistëve, mbeti vetëm Qereti se të tjerët ‘firuan’ rrugës, përfshirë edhe disa prej pjesmarrësve.
Duke parë suksesin e BBV2, Bleona mesa duket ka menduar të jetë më mirë pjesë e shfaqjes reality, se e produksioneve të Verës, pavarësisht miqësisë.
Në rrethet e ngushta shoqërore, Bleona njihet për njeri impulsiv dhe paksa konfliktuale, ndaj do jetë me shumë kuriozitet për publikun të shihet se si mund të sillet mbyllur në një shtëpi me personazhe të tjerë mediatikë, mbase mbase, edhe të njohur të dikurshëm të saj./kb
