Tregu i njohur i Krishtlindjeve në Strasbourg, në Lindje të Francës përballet sivjet me një vërshim të pazakontë të turistëve vendas e të huaj, teksa zyrtarët thonë se numri i vizitorëve mund të kalojë 3 milionë.
“Të shtunave jemi të gjithë të bllokuar këtu, nuk dalim dot nga kioska”, thotë një prej shitësve për gazetarët.
Edhe shitësja e zonës Josiane Chevalier, thotë se në ditë të veçanta nuk arrijnë të menaxhojnë kohën e hapësirat prej numrit të madh të njerëzve.
“Duhet të gjejmë një mënyrë tjetër menaxhimi. Në ditët e javës nuk ka problem por të shtunave është e vështirë parë të gjithë shitësit”, shton ajo.
Kryebashkiaku Guillaume Libsig, tha se një plan i ri i tregut të Krishtlindjeve ka bërë të mundur të absorbojë më shumë vizitorë.
“Plani i ri i organizimit të tregut ka shtuar vizitorët por duhet të bëjmë kujdes pasi nuk mund të rritet më shumë se kaq”, tha ai.
Të tjerë thonin se atmosfera mbetet e bukur dhe fëmijët duken më të kënaqur nga aktivitetet.
Vendasi Sassi Ben Gourdi, thotë se familja e tij shet në tregun e krishtlindjeve që prej vitit 1946.
“Në fundjavë është shumë e mbushur me njerëz, aq sa në darkë jam i lumtur që arrij ta mbyll dyqanin. Me kaq shumë njerëz mund të shikosh vetëm fytyra por vizitorët nuk arrijnë të shohin dekorin apo dhe kioskat tona”./O.S
