Prej orësh, duke dhënë sqarime dhe përgjigje, çfarë po ndodh në SPAK me Beqaj

113 563 lexime

124,178FansaPëlqeje

Ish-ministri i Shëndetësisë, Ilir Beqaj, po u përgjigjet pyetjeve të agjentëve të Byrosë Kombëtare të Hetimit dhe pyetjeve të prokurorit të dosjes së sterilizimit, Edvin Kondili.

Ish-ministri u paraqit në SPAK që në mëngjes, rreth orës 09:00, i shoqëruar nga avokati i tij mbrojtës.

Media raporton se aktualisht, ai po pyetet në cilësinë e personit ndaj të cilit po kryhen hetime për dyshimet e shpërdorimit të detyrës, ndryshe nga herët e tjera kur sërish është pyetur së pari në cilësinë e një personi në dijeni dhe më tej si një person ndaj të cilit po kryhen hetime.

Situata e ish-ministrit të Shëndetësisë, u rëndua gjatë muajit nëntor 2023, pak muaj pasi SPAK mori aprovimin e gjykatës për caktimin e masave të sigurimit personal, arrest me burg për biznesmenin Ilir Rrapaj.

Beqaj vazhdimisht ka deklaruar se vetëm ka kryer detyrën, ndonëse nga ana tjetër SPAK disponon dokumente, nga të cilat dyshon se Beqaj me veprimet dhe mosveprimet e tij, ka shpërdoruar detyrën.

Nga ana tjetër, Gjykata e Posaçme ka mbajtur një qëndrim më të ashpër ndaj ish-ministrit të Shëndetësisë, duke kërkuar që ndaj tij të kryhet edhe hetim pasuror, madje ka lëshuar indicie se provat e dhëna nga SPAK çojnë në dyshimet se ish-ministri i Shëndetësisë mund të ketë falsifikuar dokumentet dhe ekziston mundësia që të ketë kryer edhe korrupsion.

Megjithatë, aktualisht ndaj Beqaj është në fuqi masa “detyrim paraqitje”. Çdo të premte, ai duhet të paraqitet në 15:30 para oficerit të BKH-së.

Por, paraqitja e kësaj të marte, është ndryshe nga të gjitha herët e tjera, pasi ai po jep sqarimet e tij dhe njëherazi po u jep përgjigje prokurorëve për çështjen e sterilizimit./O.S

Të fundit

Shtatzënë për herë të tretë, Rihanna në pritje të binjakëve

Në mbrëmjen e madhe të Met Gala 2025, këngëtarja e njohur Rihanna dha lajmin e ëmbël të shtatzënisë. Me barkun...

Muzeu i Katarit mahnit me dizajnin e tij të frymëzuar nga “trëndafili i shkretëtirës”

Muzeu Kombëtar i Katarit në kryeqytetin Doha, i frymëzuar nga kristali i “trëndafilit të shkretëtirës” tërheq vizitorët me arkitekturën, përmbajtjen dhe përvojën që ofron. I...

Durrës/ Materialet zgjedhore mbërrijnë në masa të rrepta sigurie dy ditë para zgjedhjeve

Materialet zgjedhore për zgjedhjet e 11 majit kanë nisur të mbërrijnë sot në Durrës, të transportuara me mjetet e Forcave të Armatosura, nën masa...

Të rinjtë shqiptarë nën iluzionin e “goditjes së madhe”

Nga Shpëtim Luku Nga vit në vit, bëhet gjithnjë e më e dukshme një dukuri që po deformon mënyrën se si të rinjtë shqiptarë e...

Sa paguhet Papa Leoni XIV?

Papa Leoni XIV u zgjodh ditën e djeshme Papa i ri i Vatikanit. Ai do të jetë kështu Papa i parë amerikan në historinë...

Lajme të tjera

Web TV