Bukuritë natyrore të Shqipërisë kanë marrë jehonë në mediet e huaja, të cilat e kanë renditur në mesin e vendeve që duhet vizituar me patjetër në 2024-n.
Prestigjiozja amerikane “The New York Times” e ka renditur Shqipërinë si një ndër 52 destinacionet turistike në botë, të cilat duhet të vizitohen përgjatë vitit 2024.
Ambasada e SHBA në Tiranë ka ndarë shkrimin, i cili flet për Apelet Shqiptare, si një nga perlat natyrore të vendit tonë. Me një postim në platformën “X”, ambasada shkruan se peizazhet shqiptare po marrin njohjen që meritojnë.
“Jemi të lumtur kur shohim peizazhet mahnitëse të Shqipërisë duke marrë njohjen që meritojnë! Alpet Shqiptare arritën në The New York Times. Do të donim të dëgjonim më shumë për destinacionet tuaja të preferuara në Shqipëri – ndani me ne vendet tuaja të preferuara që duhet të vizitoni”, shkruan ambasada e SHBA./E.T