Regjisorja dhe finalistja e “Dancing With The Stars”, Arnita Beqiraj, e ftuar në emisionin “S’e Luan Topi” në Top Channel komentoi për herë të parë zërat se është ndarë nga partneri i saj, Arbër Çepani. E pyetur për lajmet e kohëve të fundit, për të cilat ajo asnjëherë nuk ka reaguar, Arnita tha:
“Unë dhe Arbri kemi një histori dashurie të gjatë në kohë dhe të madhe sigurisht, nuk besoj se ka histori dashurie që nuk ka luhatjet ose dallgët e tyre, por është gjithmonë e rëndësishme kur ato gjejnë rrugën për të shkuar tek njëri-tjetri“
Pyetjes se si është sot raporti i tyre, Arnita iu përgjigj: “Kam përshtypjen që thashë mjaftueshëm. Besoj që me kaq mjafton…”
Por drejtuesja e programit, këmbënguli me pyetjen për të marrë një përgjigje të plotë nëse janë apo jo bashkë: “S’e di, si mendoni ju për shembull?” – ia ktheu Arnita me pyetje, por nuk ishte më nevojë për përgjigje, pasi në studio i erdhi një buqetë me lule dhe një pusullë: “Ti je një dinosaur, pro je dinosauri im i preferuar” – shkruante Arbri, kush tjetër veç tij?
“Këtë mund ta bëjë vetëm Arbri”,– tha Arnita me të qeshur dhe shpjegoi se Arbri e quan kështu në të rrallat raste kur ajo e humbet qetësinë dhe kontrollin….
/O.S
