Juristi dhe njëkohësisht edhe zëdhënës i Fredi Belerit, Skerdjan Dhuli i ftuar këtë të hëne në një emision televiziv, komentoi vendimin e Apelit të Posaçëm, i cili refuzoi kërkesën e Belerit për t’u lejuar të betohet si kryetar i bashkisë Himarë. Dhuli thotë se gjykata sot miratoi vendimin e Shkallës së Parë e cila bëri një interpretim kushtetues.
Nga ana tjetër, ai shton se nëse Himara i kalon opozitës bie qeveria. Kjo pasi aty janë grabitur shumë prona dhe Edi Ramës nuk i intereson kjo. Problemi për kryeministrin sipas Dhulit nuk është Beleri, por Himara dhe pronat e saj. Por çështja do të vijojë, thotë Dhuli, në rrugë ligjore deri në Strasburg.
“Gjykata sot ka miratuar vendimin e Shkallës së parë që bëri interpretim kushtetues. Kush ia jep këtë fuqi gjykatës shkallës së parë. Gjykata ka bërë një çmenduri ka shkuar në ekstrem ka bërë doktrinë ligjore.
E kam rithënë në rast se Himara i kalon opozitës bie qeveria. Janë gjithë ato prona të grabitura. Pasi bashkia zotëron 70% të detit Jon. Është Rama gati të lejoj rrëzimin e qeverisë së tij në këtë moment?! Prandaj Belerit i hiqet e drejta për t’u betuar. Problemi për Ramën nuk është Beleri, por bashkia Himarës. Nëse gjykata shqiptare shkruan marrëzira, në Strasburg kjo nuk ndodh. Është shuar e drejta e votës. Kam zgjedhur kryetar bashkie me votë. Edi Rama thotë pavarësisht se çfarë ke votuar ti, e emëroj unë. Kush ja jep këtë të drejtë? Nuk duhet të jetë kështu. Rruga ligjore, do të ezaurohen të gjiha instancat e drejtësisë shqiptare. Mesa duket në Shqipëri nuk merr dot drejtësi.”, tha Dhuli./e.t
