Pijet energjike, sasia e kafeinës, stresi dhe përdorimi i lëndëve narkotike, janë disa prej faktorët kryesorë që çojnë në infarktin e miokardit.
Kështu ka deklaruar mjeku i urgjencës në Londër, Adrian Fandi në një emision televiziv.
“Situata është si ën të gjithë Evropën. Kur flasim për moshat e reja deri në 40 vjeç përsa i përket sëmundjeve kardiake, stresi është faktor kryesor, konseguenc e jetës së përditshme që bëjmë, konseguencë e mënyrës si ushqehemi , e pijeve energjitike që marrim, sasisë së kafeinës që marrim në gjak”, tha Fandi. Ky i fundit deklaroi se një pijë energjike është njësoj si konsumimi i 5 kafeve.
Ai theksoi se një pjesë e personave që kanë probleme me zemrën, vjen edhe si shkak i përdorimit të lëndëve narkotike. Këto të fundit, tha ai, çon në koronare të pastër.
“Duke marrë pije energjike, që ka brenda 5 kafe, dhe kur një i ri merr një ose dy pije energjike, është njësoj sikur ka pirë 10 kafe.
Përveç pijeve energjike, një pjesë e njerëzve që kanë probleme me zemrën, kanë përdorur pije narkotike, që nga drogat e lehta deri te më të rëndat dhe këto janë infarkte me koronare të pastër. Që do të thotë që koronaret janë të pastra, nuk ka dëmtime në arteriet koronare por ka një arteriospazëm në momentin që ti merr kokainën.
Edhe stresi, duke pasur gjithnjë ankthin dhe stresin e pakuruar rritet rreziku për të pasur hardatak, zemra e vrarë shpirtërisht gjithashtu”, theksoi mjeku./E.T
