Të martën, Komisioni Qendror i Zgjedhjeve ka ndarë fondet për vitin 2024 ku 11 parti politike marrin 345.6 milionë lekë.
Partia më e madhe që merr më shumë fonde është Partia Socialiste, e cila ka marrë 151.4 mln lekë, e ndjekur nga PD-ja e “Vulës”, me 106.6 mln lekë.
Partia Demokratike e drejtuar nga Sali Berisha nuk ka marrë asnjë qindarkë.
Kreu i KQZ-së, Ilirjan Celibashi, u shpreh gjatë fjalës së tij se Partia e Lirisë ka marrë 15.5 milionë lekë dhe PSD 12.3 milionë lekë.
Ndërkohë, Nisma Thurje merr 6.2 milionë lekë, PDIU 9.753.658 dhe PBDNJ 8.180.647, PR 11.488.669.
Partitë i marrin paratë kur të depozitojnë raportet financiare për vitin 2023./e.t
