Rama: Lufta e Rusisë është kërcënim ekzistencial ndaj të ardhmes

113 563 lexime

124,178FansaPëlqeje

Kryeministri Edi Rama thotë se Shqipëria do të vazhdojë ta mbështesë Ukrainën deri në fitoren e luftës brenda mundësive të veta.
Në konferencën e përbashkët për shtyp nga Tirana me Presidentin ukrainas Zelensky, duke ju përgjigjur pyetjes së gazetarit ukrainas se çfarë përfiton Shqipëria, Rama tha se kjo mbështetje vjen pas interes.

Sipas Ramës, arsyeja është e thjeshtë; sepse agresioni ushtarak rus përbën kërcënim ekzistencial ndaj të ardhmes, që për Shqipërinë është BE-ja si synim i vendosur.

Së pari, e kemi mbështetur Ukrainën edhe me paketa mbështetjeje, që nuk janë hua, por nuk janë as pjesë e ndonjë biznesi, kurrë nuk i kemi kërkuar Ukrainës të paguajë mbrapsht. Këto janë mundësitë tonë por kemi bërë e do bëjmë gjithçka. Jemi të vetëdijshëm se për atë front lufte kjo është diçka shumë e vogël.

E bëjmë për veten tonë. Ky nuk është kërcënim ekzistencial vetëm për Ukrainën, është ndaj gjithçkaje që ne mendojmë se duhet të jetë e ardhmja jonë. Nëse duam një të ardhme në BE, duam BE, nuk duam ta shohim BE të shpërbëhet, pasi ka hyrë në një luftë të brendshme se ç’lloj rregullash apo ç’lloj veprimesh janë të justifikuara apo që nuk justifikohen”.

Kryeministri Edi Rama përsëriti qëndrimin se jo vetëm Shqipëria por Ballkani Perëndimor synon integrimin e plotë në Bashkimin Europian. Dhe sipas tij, kjo është aspirata që mban bashkë vendet e Ballkanit.

Ka shumë sanksione kundër Rusisë, e dimë që varësia nga gazi rus, nga nafta ruse nuk është kaq e thjeshtë. Rritja e çmimeve. Rritja e kostos së jetesës në vendet më të pasura, janë pjesë e planit për ta bërë opinionin publik që të nisë e të thotë nuk mund të vazhdojmë të mbështesim Ukrainën.

Për ne ky është kyçi, po kërkojmë të bashkohemi në BE, por të kemi edhe paqe në rajonin tonë.

Ne në Ballkanin Perëndimor jemi brenda BE-së fizikisht, por jashtë BE politikisht. Kështu që duam të integrohemi plotësisht me këtë trup dhe nuk duam ta shohim këtë organizëm të shpërthejë. BE nuk është parajsë, por nuk ka asnjë dyshim që është një ferr i gëzueshëm, nuk është një ferr i përgjakshëm, dhe këtu duam të jemi.

Ju e keni parë në rajon se si ndikimi rus ka mbjellë destabilitet në një vend a në një tjetër. Dhe nëse vazhdojmë të mbetemi bashkë, kjo vjen falë aspiratës drejt BE. Por nëse kjo aspiratë venitet do jetë më e lehtë që të kërkohet haviar, shampanjë dhe gjak, në vend që të kërkohen reforma, demokraci e të drejtat e njeriut”, deklaroi Kryeministri Edi Rama./O.S

Lexo edhe :  E rënde/ Humb jetën në mes të rrugës një polic, dyshohet se…

 

 

 

Të fundit

Prilli muaji për i mirë i vitit! Ja cila është shenja fatlume e horoskopit

Dashi është shenja më e favorizuar e horoskopit për muajin prill. Pas një dimri të vështirë plot pengesa, vonesa dhe...

Pamjet e dhunës pas ndeshjes Flamurtari-Besa, trajneri Çela goditet me karrige në kokë

amjet pas ndeshjes Flamurtari-Besa kalojnë çdo limit. Trajneri i kavajsve Emiljano Çela, jo vetëm që u godit nga tifozët vlonjat të cilët pushtuan fushën, por...

“Përplasja jonormale” – Çfarë po ndodh mes Vjosa Osmanit dhe Albin Kurtit?

Përplasjet përmes rrjeteve sociale ndërmjet përfaqësuesve të Presidencës dhe Qeverisë së Kosovës, janë shpërfaqje publike e tensioneve dhe komunikimit “jonormal” mes këtyre dy institucioneve...

Pse thonë: “Fillo me këmbën e djathtë”?

Shumë besime e lidhin Zotin me këmbën e djathtë dhe djallin me të majtën. Prandaj, "Fillimi në këmbën e djathtë" do të thotë të...

Riarmatosja e Europës, Italia skeptike. Ekspertët të shqetësuar për borxhin publik

Plani i bashkimit europian për të rritur shpenzimet e mbrojtjes rreth bllokut, po përballet me sfida në Itali ku ka shqetësime të konsiderueshme lidhur...

Lajme të tjera

Web TV